 |
साभार-
|
 |
 |
|
एक
बात जनहित मे जिनगी सँ जोड़ि ली
स्नेहक
शुचि सरबर मे अपना केँ बोरि ली ।
मनुष्य छी मनुष्य बनि रहू सदति समाज मे
सदिखन सब व्यस्त रहू अपन-अपन काज मे ।
घमंडक अपन घैल पटकि-पटकि फोड़ि ली
स्नेहक शुचि सरबर मे अपना केँ बोरि ली ।
भारत अछि देश अहँक भारतीय अहाँ बनू
भाषा आ प्रांत निमित्त अगिन जाल जुनि बुनू ।
एकताक सूत्र मे देश केँ संगोरि ली
स्नेहक शुचि सरबर मे अपना केँ बोरि ली ।
राखू जुनि हृदय मध्य कनिको टा कलह द्वेष
बाँटक प्रयास करू जन-जन केर दुख कलेस ।
त्यागि सकल दुर्गुण केँ सद्गुण निचोड़ि ली
स्नेहक शुचि सरबर मे अपना केँ बोरि ली ।
माइ केर सपूत बनू देश केर बचाउ लाज
करू सदति सद्प्रयास वर्गहीन हो समाज ।
छूत आ अछूत केर भेद भाव तोड़ि ली
स्नेहक शुचि सरबर मे अपना केँ बोरि ली ।
भारत केर ‘तरुण’ अहाँ देश केर उठाउ भार
घर-घर सुशिक्षाक मिलि जुलि करू प्रचार ।
घृणा क्रोध हिंसा केँ जड़ि सँ मरोड़ि ली
स्नेहक शुचि सरबर मे अपना केँ बोरि ली ।
[21-04-1984 केँ सांझ 6:00 बजे
आकाशवाणी दरभंगाक ‘गाम घर’ कार्यक्रम
मे साम्प्रादायिक सद्भाव पर आयोजित कवि गोष्ठि मे पढ़ल गेल ।]
|
 |
साभार- पोस्ट.जागरण.कॉम
ई असह्य
शीतलहरि जन-जन केँ मारि गेल ।
जनु
खुशीक दूध केँ, खटाई दुःखक फारि गेल ।
मंगल हो
वर्ष नवल सब केर छल कामना
जनु हठात
कामनाक रथ क्यो उनारि गेल ।
जाड़क
झमारल पर पछबा बसात बुझू
झरकल पर
बाकुट भरि नोन जेना ढारि गेल ।
सूर्य
केर प्रकाश पर कर्फ्यू जनु लागल हो
बलगर
कुहेस आइ हुनको पछाड़ि गेल ।
मानव
प्रकृति बीच भेलै संघर्ष ‘तरूण’
जीतल
प्रकृति पुनः मानव ई हारि गेल ।
[मलाढ़ : 06.01.1986
|
