दोख अपन झाँपि करय अनका उघार लोक

दोख अपन झाँपि करय अनका उघार लोक

बूझि रहल अपना केँ सब सँ बुधियार लोक ।

विद्या विवेकक नहि सम्प्रति अछि मानि कोनो

मानि रहल धन केँ अपन जिनगीक आधार लोक ।

प्रेमक नहि दरस कतहु देखबा मे आबि रहल

लागल अछि करबा मे स्वार्थक व्यापार लोक ।

जानि नहि तरूण कतय दुनिया ई भागि रहल

तकनहु नहि भेटैत अछि जग मे उदार लोक ।

21-01-1995 / मलाढ़.

[परिवेश (मासिक) सिंदरी के प्रेषित / संभवतः प्रकाशित]