1.
पलंग धेनय बेटा आ टहलुक अछि बाप
सासु बनलि बहिकिरनी पुतहुक प्रताप
सब केर सब चिन्ता मे अपनहि बेहाल
देखै छी जतहि, ततहि एतबहि अछि हाल ।
2.
सरकारी डाक्टर शिक्षक आ वकील
चुस्त निजी प्राइक्टिस मे बाँकी छथि ढील
व्यर्थ करब हिनका पर कनियो भरोस
लोभय जनु लागय हिनक लुप्त भेल होश ।
3.
भ्रष्ट बनल अफसर वा भ्रष्ट बनल क्लर्क
बहुते अछि कठिन करब हिनका मे फर्क
लटका केँ राखब नित ऑफिस केर काज
धर्म हिनक नीति हिनक हिलकै छन्हि राज ।
मलाढ़ : 14.10.1994 शुक्र, (विजया दशमी)
No comments:
Post a Comment